Estaba coa Susanita moi entretida na rúa de palique, ata que chegou outro neno.
Como e lóxico a pequena púxose a xogar con él, e deixou de facerme caso.
Entón a súa nai, que ó igual que o seu pai aprenderon a falar entre o galego e o castelán, díxome moi convencida que a nena non atendía porque, segundo ela, non entendía o galego.
Eu a quen non entendo e a nai de Susanita.

Xosé Neira Vilas

CANTARELA DOS NENOS

Amiguiños todos
amiguiños xa
os nenos deiquí
os nenos dala.
Os nenos do mundo
todos a cantar
e unha mesma voz
collidos da man.
Amiguiños todos
amiguiños xa
os nenos deiquí
os nenos dala.

Cantarela nosa
de amor e de paz
sin penchas nin odios
sin falsa irmanda.
Amiguiños todos
amiguiños xa
os nenos deiquí
os nenos dalá.

Rolda de sorrisos
dende mar a mar,
corazóns abertos
ollos de amistar.
Amiguiños todos
amiguiños xa
os nenos deiquí
os nenos dalá.

(Disco: Cantarolas para xente miúda)

Énchese todo de cor formiga e de humidade.Agora son máis caracol que nunca.
Dentro da miña cuncha, adormezo imaxinando un nadal de magosto e lume novo.

Hoxe pola tarde saín a caminar sen apurar á presa,sen rota definida nin ponto de chegada.
Os edificios foron o meu centro de atención e reparei en cantas historias terían visto e en cantas participado.
Pensei nos contos que debe saber a Praza de San Agustín,en como as casas de María Pita lembran a Manifestación das Maletas,imaxinei a Torre falando dos barcos que pola ría pasaron, nos xogos e aventuras que garda a Praza da Bárbaras,nas penas que sabe a estación do tren.............. e no furado que agora ocupa a memoria da Casa do Arcebispo na rúa Panadeiras.

I
Movemento telúrico
O terremoto que orixinou a onda xigante que arrasou as costas do sureste asiático
tivo tal intensidade que e posibel que variara o eixo da terra e incluso a órbita que describe o noso planeta arredor do Sol, e polo tanto a súa velocidade de rotación.
E o home, continua a creer que é o centro do universo.

II
Porca miseria.
Miles de mortos, e aínda máis miseria nas costas dos países afectados polo tsunami.

Xente boa tenta aliviar a situación na zona colaborando economicamente, e atópanse coa inmoral comisión que algunhas entidades bancarias están a cobrar polas transferencias.
O dito, moitísima porca miseria a dalgúns...